-
Nga:
Col Mehmeti
- 26 tetor 2019 17:30
- Shpërndaje në:
Aureola e tij prej artisti mban cilësime si mjeshtër i madh e doajen i skulpturës moderne shqiptare.
Si një fat ters, një zjarr në atelienë e tij në Çagllavicë, në mars të vitit 2004, kishte përpirë një numër të madh kri- jimesh të tij. Nga duart e tij dolën shtatore të fig- urave të Lidhjes Shqiptare të Prizrenit, derisa sot e kësaj dite një skulpturë e tij gjendet në parkun e Langenbroich të Gjermanisë, shkruan sot Koha Ditore.
Skulpturat në dru, gur e mermer tejçojnë gjallërinë e kontekstit shqip- tar nga Dukagjini i tij: burra e gra për- reth sofrës skamnore.
“Gratë e Lybeniqit”, shtatë figura nga druri, me sy depërtues e kurioz, qëndronin të premten mes sallës së mbushur në Akademinë e Shkencave dhe të Arteve të Kosovës. Të premten në mbrëmje, nën orga- nizimin e Seksionit të Arteve, u hap ekspozita retrospektive në shënim të 20-vjetorit të ndarjes nga jeta të skulp- torit, Agim Çavdarbasha, i cili nga viti 1994 kishte qenë anëtar i institucionit më të lartë shkencor në Kosovë.
Akademikë, kolegë e studentë kanë vlerësuar lart veprimtarinë e skulp- torit nga Peja. Kanë thënë se veprat e tij duhet të mbrohen nga institucionet si pjesë e trashëgimisë artistike.
Gruaja e skulptorit të ndjerë, Seba- hate Çavdarbasha, nuk është përm- bajtur nga emocionet. Ka thënë se kjo ekspozitë e bën të ndihet mirë pasi që institucionet përkujtojnë krijimtarinë e Agimit.
“Nata e sotme për mua ngjall edhe gëzim, edhe emocione të mëdha pasi që po organizohet me rastin e 20-vje- torit të ndërrimit të jetës së Agimit. Krijimtaria nuk i lë të vdesin njerëzit e mëdhenj”, ka thënë ajo për gazetën.
(Artikullin e plotë mund ta lexoni sot në “Koha Ditore”)
