Analisti Erblin Hoxha, ka thënë se Nismës Socialdemokrate nuk i konvenon shkuarja në zgjedhje.
Ai ka komentuar gatishmërinë e Nismës për koalicione.
“Zgjedhjet e radhës, apo zgjedhjet potenciale, janë një prej zgjedhjeve më të këqija për Nismën Socialdemokrate, duket që i ka djegur edhe urat me AAK-në edhe në këtë rast potencialisht shkuarja në zgjedhje e lë Nismën vetëm dhe 99.9% ajo është jashtë Parlamentit”, është shprehur Hoxha në emisionin special për vazhdimin e 18-të të seancës konstituive të Kuvendit të Kosovës.
Ai ka thënë se është si një lloj xhekpoti që me AAK-në ka arritur t’i marrë 3 deputetë.
