Vdiq këmbësori që u godit nga vetura në Prizren, arrestohet si i dyshuar një zyrtar policor

Një person rreth 80-vjeçar ka vdekur pasi u godit nga një veturë të premten në mbrëmje në rrugën “Ismajl Kryeziu” në Prizren, ka thënë zëdhënësi i Policisë për rajonin e Prizrenit, Shaqir Bytyqi.

Siç ka thënë Bytyqi, i dyshuari në këtë rast është një zyrtar policor nga Prizreni, i cili në momentin e aksidentit ka qenë jashtë detyrës zyrtare dhe ka qenë duke lëvizur me veturë private.

Ndërkaq në një komunikatë për media, Inspektorati Policor ka njoftuar se zyrtarit policor i është caktuar masa e ndalimit për 48 orë. Ndaj tij është iniciuar rast për veprën penale “rrezik i trafikut publik”.

Nga hetimet fillestare dyshohet se shoferi nuk e ka përshtatur shpejtësinë me kushtet e rrugës dhe si pasojë ka shkaktuar aksidentin.