Një person ka vdekur të martën në fshatin Llaushë të Skenderajt.
Vdekja e tij dyshohet të jetë shkaktuar si pasojë e një zjarri.
Zëdhënësi i Prokurorisë Themelore në Mitrovicë, Valon Preteni, ka thënë për KOHËN se trupi i pajetë i viktimës është dërguar në Institutin e Mjekësisë Ligjore për obduksion.
Rasti është iniciuar si “Hetim mbi vdekjen”.
“Po ka vdekur një person. Trupi i pajetë është dërguar për autopsi në IML. Ka mbetur eksperti të dalë në vendngjarje edhe të konstatojë se nga çka është shkaktuar vdekja. Rasti është iniciuar ‘Hetim mbi vdekjen’”, ka thënë ai.
