-
Nga:
Ermir Bujupaj
- 17 dhjetor 2023 22:16
- Shpërndaje në:
Një 72-vjeçar ka vdekur të dielën në një prej autobusëve të Trafikut Urban në Prishtinë, ka njoftuar mjeku kujdestar në Klinikën Emergjente në QKUK, Agron Çitaku.
Ai i ka thënë KOHËS se viktima me inicialet I.Ç, është dërguar në QKUK pa shenja jete, e trupi i pajetë tashmë është dorëzuar për obduksion në Institutin e Mjekësisë Ligjore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Po ka vdekur në vend dhe te ne e kanë sjell të vdekur. Kufoma ka shkuar në Institutin e Mjekësisë Ligjore”, ka thënë Çitaku.
Sipas tij, shkaqet e vdekjes dyshohet se janë nga ataku kardiak.
Edhe Policia e Kosovës ka konfirmuar rastin, duke thënë se ngjarja ka ndodhur rreth orës 11:30 në rrugën “Dëshmorët e Kombit”.
“Sot rreth orës 14:00, në stacionin policor Jugu në Prishtinë, është iniciuar një rast Hetim mbi vdekjen. Rasti ka ndodhë rreth orës 11:30, në rrugën Dëshmorët e Kombit në Prishtinë, saktësisht në autobus ku një person është alivanosur. Viktima mashkull, menjëherë është dërguar në QKUK, ku nga ekipi mjekësor është konstatuar vdekja e tij”, i ka thënë KOHËS zëdhënësja e Policisë për rajonin e Prishtinës, Flora Ahmeti.
KOHA ka dërguar pyetje te Trafiku Urban lidhur me rastin, por ende s’ka marrë përgjigje.