Dy gra janë arrestuar të dielën në Dubravë të Istogut, nën dyshimin se kanë tentuar të fusin brenda Qendrës Korrektuese substanca narkotike, në cilësinë e vizitoreve.
Njëra është arrestuar për këtë vepër penale, ndërsa tjetra është arrestuar nën dyshimin se është përfshirë në këtë rast.
Gjatë kontrollit, të dyshuarave i janë gjetur mbi 100 gramë marihuanë në xhaketë.
“Është arrestuar e dyshuara femër kosovare për shkak se e njëjta në cilësi të vizitores ka tentuar të fus brenda Qendrës Korrektuese substanca narkotike. Gjithashtu në cilësi të personit të përfshirë në rast është arrestuar edhe një tjetër e dyshuar femër kosovare. Gjatë kontrollit të një xhakete e cila është hapur në prezencë të të dyshuarave dhe avokatëve mbrojtës janë gjetur dhe sekuestruar një sasi prej 122.3 gramë substancë e dyshuar narkotike e llojit marihuanë”, thuhet në njoftimin e Policisë.
Të dyshuarat pas intervistimit me urdhër të prokurorit janë liruar në procedurë të rregullt.
-
Aktakuzë ndaj një zyrtari korrektues dhe dy të tjerëve për tentim-futje të marihuanës në Dubravë
-
Parandalohet futja e gati gjysmë kilogrami substancë të dyshuar në Qendrën Korrektuese të Dubravës
-
Arrestohet një person në Jarinje, iu gjet marihuanë gjatë kontrollit në kufi
-
U tentua të futeshin narkotikë në Dubravë përmes furgonit të kuzhinës, nis hetim i brendshëm
-
Parandalohet futja e drogës në Dubravë, u gjet e mbështjellë me qese najloni