Policia e Kosovës ka sekuestruar dy armë zjarri dhe një thikë në Fushë-Kosovë në orët e para të 15 korrikut.
Dy persona janë arrestuar dhe një person është shoqëruar në gjykatë pasi kishte urdhëresë ndaj tij për mbajtje në pronësi, kontroll ose posedim i paautorizuar i armës.
“Sot rreth orës 01:00, nga njësite policore të stacionit të Fushë Kosovës janë arrestuar dy persona të dyshuar, të cilëve u janë gjetur dhe sekuestruar dy armë zjarri dhe një thikë, si dhe është shoqëruar për në gjykatë një person i cili kishte urdhëresë nga gjykata”, thuhet në njoftimin e PK-së.
J.G. 29 vjeç dhe F.G. 27 vjeç janë ndaluar në mbajtje për 48 orë dhe është iniciuar rast për mbajtje në pronësi, kontroll ose posedim të pa autorizuar të armëve.
