Rihapet rasti për të akuzuarën për vrasjen e motrës në Fushë-Kosovë

Në ditën kur pritej të shpallej aktgjykimi për të akuzuarën për vrasje të rëndë F.S., trupi gjykues në Gjykatën Themelore të Prishtinës ka vendosur të rihapë rastin për shkak të dorëzimit të disa provave të reja nga pala mbrojtëse e të akuzuarës.

F.S. akuzohet për vrasjen e motrës së saj vitin e kaluar në Fushë-Kosovë. Rasti pati ndodhur më 9 maj në fshatin Vragoli.

Atë kohë raportohej se e akuzuara ka probleme mendore.

Trupi gjykues ka thënë se do të trajtohen dhe shqyrtohen provat e reja e më pas të vendoset për këtë rast.