Një rast i ngacmimit seksual është raportuar në qytetin e Gjakovës, ku një grua ka deklaruar se është ngacmuar nga një person derisa po punonte në market.
Sipas raportit 24-orësh të Policisë, ngjarja ka ndodhur rreth orës 17:20 të hënën, kur ankuesja, femër, ka raportuar se është ngacmuar seksualisht nga një mashkull, i cili më pas është identifikuar dhe arrestuar nga njësitet policore.
Me vendim të prokurorit të rastit, i dyshuari është dërguar në mbajtje, ndërsa ndaj tij kanë nisur procedurat hetimore.
