(E përditësuar 22:27) - Lulzim Fushtica, drejtor i emergjencave në Prishtinë ka thënë për KOHËN se zjarri në ndërtesën te Parku i Qytetit është lokalizuar.
Nuk ka të lënduar nga zjarri.
Ekipet emergjente po vazhdojnë të punojnë në vendngjarje.
Përfshihet nga zjarri një banesë te Parku i Qytetit
Një ndërtesë në Prishtinë është përfshirë nga zjarri mbrëmjen e së mërkurës.
Kati i fundit i një ndërtese në rrugën "Rrustem Statovci", te Parku i Qytetit, është parë nën flakë. Ekipet e zjarrfikësve janë në vendin e ngjarjes.
Lulzim Fushtica, drejtor i emergjencave në Prishtinë, ka thënë për KOHËN se të gjithë banorët janë larguar nga ndërtesa dhe se nuk ka të lënduar.
Zjarri po vazhdon të përhapet.
"Sot rreth orës 21:00, kemi pranuar informatën për një incident zjarri në një ndërtesë në afërsi të Parkut të Qytetit në Prishtinë. Menjëherë në vendin e ngjarjes kanë dalë policia dhe zjarrfikësit të cilët po merren me rastin. Bazuar në të dhënat nga terreni nuk raportohet për persona të lënduar", njoftoi Policia.
