Një person ka mbetur i plagosur të premte pasdite në rrugën “Papa Klementi” në Pejë, pas të shtënave me armë zjarri.
Policia e Kosovës ka konfirmuar se i plagosuri është dërguar menjëherë në Spitalin Rajonal të Pejës, ku po trajtohet nga ekipi mjekësor.
Ndërkohë, i dyshuari për këtë rast është larguar në drejtim të panjohur dhe po kërkohet nga Policia.
Hetimet për zbardhjen e motiveve dhe rrethanave të ngjarjes janë në vijim.