Në shtëpi me forcë i vidhen stoli ari e një arsenal armësh

Policia e Kosovës ka njoftuar për një rast të vjedhjes së rëndë, që ka ndodhur të mërkurën në rrugën “Behxhet Sojeva” në Ferizaj.

Sipas raportit të Policisë, përveç stolive të arit, janë vjedhur edhe disa armë, përfshirë pesë pistoleta e tre snajper.

“Ankuesi mashkull kosovar, ka raportuar se persona të panjohur me forcë kanë depërtuar brenda në shtëpi dhe nga aty kanë vjedhur stoli ari, pesë pistoleta, tre snajper, një pushkë gjysmë - automatike, katër pushkë gjuetie, 100 fishekë, katër palë dylbi”, thuhet në raportin e Policisë.

Rasti thuhet se është duke u hetuar.