Të paktën katër persona janë lënduar si pasojë e një aksidenti mes dy veturave afër Liqenit të Livoqit.
Zëdhënësi i Policisë për rajonin e Gjilanit, Valon Osmani, ka thënë për KOHËN se të lënduarit janë dërguar për trajtim mjekësor në emergjencën e Gjilanit.
“Me datën 17.07.2025 rreth orës 16:00 kemi pranuar informacion për një aksident trafiku afër liqenit të fshatit Livoq. Në këtë aksident kanë qenë të përfshira dy veturave, ku përpos dëmeve material lëndime trupore kanë pësuar katër persona”, ka thënë Osmani.
Ai tutje tha se rrethanat e aksidentit po hetohen nga hetues të aksidenteve.
