Gjykata Themelore në Prishtinë ka njoftuar se më 22 dhjetor do të mbahet seanca e shqyrtimit fillestar ndaj tre të pandehurve të akuzuar për krime lufte kundër popullsisë civile.
Të akuzuarit Dushan Gavraniq, Zoran Sharac dhe Zharko Cvetanoviq po përballen me aktakuzë të ngritur nga Prokuroria Speciale e Republikës së Kosovës më 30 dhjetor 2024, për veprën penale krime lufte kundër popullsisë civile, bazuar në nenin 142 lidhur me nenin 22 të Ligjit Penal të ish-RSFJ-së.
Sipas njoftimit të gjykatës, gjykimi do të zhvillohet në mungesë, pasi të pandehurit janë të paarritshëm deri në momentin e ngritjes së aktakuzës.
Gjykata u ka bërë thirrje të pandehurve që të paraqiten dhe të dorëzohen para autoriteteve të drejtësisë së Republikës së Kosovës. Po ashtu, qytetarët që posedojnë informacione për vendndodhjen e tyre ftohen t’i raportojnë ato tek Policia e Kosovës apo organet kompetente.
Seanca do të mbahet në Pallatin e Drejtësisë në Hajvali, Objekti D, Kati I, Salla nr. 27, me fillim nga ora 13:15, dhe do të udhëhiqet nga kryetari i trupit gjykues, Leon Përlaska.
Gjykim në mungesë për gjashtë serbë të akuzuar për krime lufte
Gjykata Themelore në Prishtinë ka njoftuar se më 22 dhjetor, në dy raste të ndryshme do të mbahen seanca të shqyrtimit fillestar ndaj gjashtë personave të akuzuar për krime lufte kundër popullsisë civile, në çështjet që do të gjykohen në mungesë të të pandehurve.
Të pandehurit Ljubomir Çimburoviq, Predrag Bradiq dhe Milivoje Iviq akuzohen nga Prokuroria Speciale e Republikës së Kosovës për vepra të inkriminuara sipas nenit 142 lidhur me nenin 22 të Ligjit Penal të ish-RSFJ, e që aktualisht trajtohen sipas nenit 144, 145, 146 dhe 147 lidhur me nenin 31 të Kodit Penal të Republikës së Kosovës.
Sipas prokurorisë, gjykimi do të zhvillohet në mungesë, pasi të pandehurit kanë qenë të paarritshëm deri në ngritjen e aktakuzës.
Gjykata u bën thirrje të pandehurve që të dorëzohen para autoriteteve të drejtësisë.
Seanca e parë do të mbahet në Pallatin e Drejtësisë në Hajvali, Objekti D, Kati I, Salla nr. 27, me fillim nga ora 09:30, dhe do të udhëhiqet nga Kryetari i Trupit Gjykues, Leon Përlaska.
Gjatë ditës është njoftuar nga kjo Gjykatë se në po të njëjtën ditë do të mbahet edhe seanca e shqyrtimit fillestar ndaj tre të pandehurve tëe tjerë të akuzuar për krime lufte kundër popullatës civile.
Të akuzuarit Dushan Gavraniq, Zoran Sharac dhe Zharko Cvetanoviq po përballen me aktakuzë të ngritur nga Prokuroria Speciale e Republikës së Kosovës më 30 dhjetor 2024, për veprën penale krime lufte kundër popullsisë civile, bazuar në nenin 142 lidhur me nenin 22 të Ligjit Penal të ish-RSFJ-së.