-
Nga:
Ermir Bujupaj
- 22 nëntor 2020 19:30
- Shpërndaje në:
Jetmir Rudi nga Malisheva që thuhej se ishte zhdukur gjatë së shtunës, është bërë e ditur se është gjetur dhe kanë filluar trajtimin mjekësor ndaj tij.
Rastin për KOHËN e ka konfirmuar nënkryetari i Malishevës, Hajdin Berisha, i cili ka thënë se Rudi është gjetur para pak minutash dhe është dërguar për në QKUK.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDyshimet e para thonë se personi ishte rrëmbyer nga disa të dyshuar. Këtë e ka konfirmuar edhe Policia e Kosovës.
Zëdhënësi i Policisë për rajonin e Gjakovës, Nysret Gjurkaj, i ka thënë KOHËS se Jetmir Rudi ishte raportuar i zhdukur nga vëllai i tij, të dielën rreth orës 09:00.
“Ju njoftojmë se sot me datë 22.11.2020 rreth orës 09:00 në Stacionin Policor - Malishevë, ka ardhur familjari i personit të zhdukur dhe i cili njoftoi se dje me datë 21.11.2020 rreth orës 17:00 vëllai i tij J.Sh.R, lindur më 1993, kishte dalë nga shtëpia në fshatin Rud, dhe qe nga ajo kohë edhe pas kërkimit tek të afërmit e tyre, nuk kanë mundur të kontaktojnë me të. Sipas informacioneve, bëhet fjalë për kidnapim”, ka thënë Policia.
KOHA, pas konfirmimit nga nënkryetari i Malishevës se personi është gjetur, ka kontaktuar me Policinë e Kosovës dhe të njëjtit kanë konfirmuar se Rudi është gjetur.
“Njoftoheni se rreth orës 18:00, viktima është gjetur nga familjarët e tij në hyrje të fshatit Rud. I njëjti është sjellë në QMKF-Malishevë për tretman mjekësore, e pas kontrollit fillestar është dërguar në QKUK-Prishtinë, për ekzaminim më të detajuar”, ka thënë Policia.
Jetmir Rudi është në gjendje të mirë shëndetësore dhe përpos që ka qenë i shqetësuar, nuk ka pasur ndonjë lëndim trupor.
“Hetimet janë në trajtim të përshpejtuar dhe do njoftoheni me kohë për zhvillime te tjera”, thuhet tutje.