-
Nga:
Donisa Fazliu
- 27 dhjetor 2024 09:39
- Shpërndaje në:
Edmond Lajçi është dënuar me burgim të përjetshëm për vrasjen e bashkëshortes, Gjyljeta Ukella.
Ai e ka pranuar fajësinë të martën, 24 dhjetor, në seancën fillestare për rastin të mbajtur në Gjykatën Themelore në Pejë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFamiljarët e Ukellës e kanë mirëpritur vendimin e gjykatës.
“Gjykata e dha vendimin final që ne si familje na lehtësoi sado pak dhimbjen”, ka thënë vëllai i të ndjerës.
Lajçi, sipas aktakuzës së ngritur më 19 nëntor nga Prokuroria Themelore në Pejë, akuzohet se më 16 prill, rreth orës 8 të mëngjesit, me dashje dhe me pistoletë e ka vrarë bashkëshorten e tij në banesën e tyre në rrugën “Bill Klinton” në Pejë.
Në aktakuzë thuhet po ashtu se çifti ka pasur probleme të vazhdueshme dhe se Lajçi ka ushtruar dhunë psikike ndaj bashkëshortes. E në ditën kur ndodhi vrasja, në aktakuzë specifikohet se i akuzuari, pas kthimit në shtëpi nga qëndrimi gjatë natës në spital me nënën e tij që po trajtohej për një sëmundje, i ka kërkuar vajzës së tij që të dalë nga banesa për të blerë diçka në dyqan, me synimin që të mbetej vetëm me bashkëshorten.
VIDEO: