Policia e Kosovës ka njoftuar se ka pranuar informatë për një mjet të dyshimtë shpërthyes në rrugën “Dëshmorët e Kombit” Në Prishtinë.
Zëdhënësja e Policisë për rajonin e Prishtinës, Flora Ahmeti, ka konfirmuar për KOHËN se informata është pranuar rreth orës 14:00.
“Sot rreth orës 14:00 kemi pranuar informatën për një mjet të dyshimtë shpërthyes në rrugën 'Dëshmorët e Kombit' në Prishtinë. Menjëherë në vendin e ngjarjes kanë dalë njësitet e nevojshme policore të cilat po ndërmarrin veprimet e nevojshme për ta menaxhuar situatën”, tha Ahmeti.
