Policia ka njoftuar se ka goditur një rrjet të dyshuar për kontrabandë të kafshëve të imta në Ferizaj, ku janë zbuluar 108 dele, shumica prej të cilave pa numra matrikuli dhe pa dokumentacion për origjinën apo kontrollin veterinar.
Në operacionin e zhvilluar të martën në fshatin Rakaj, kafshët janë gjetur gjatë kontrollit në pronën e të dyshuarit L. K. dhe në dy lokacione të tjera, ku në njërin rast është konstatuar mungesë e dokumentacionit të rregullt dhe shenjave identifikuese për pjesën më të madhe të bagëtive.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë dy lokacionet tjera të kontrolluara, sipas inspektorit të AUV-së, nuk janë gjetur shkelje ligjore.
“Gjatë operacionit policor janë hasur gjithsej 108 krerë dele, shumica (100 prej tyre) pa numra matrikuli dhe pa asnjë dokumentacion përcjellës mbi origjinën apo kontrollin veterinar. Në dy lokacionet tjera të kontrolluara në bazë të inspektorit të AUV-it nuk ka gjetur ndonjë shkelje ligjore. Lidhur me rastin është njoftuar edhe prokurori i Shtetit, i cila ka rekomanduar që rasti të iniciohet ‘kundërvajtje doganore’. Rasti i dorëzohet Doganës së Kosovës në Han të Elezit për procedim të mëtutjeshëm”, thuhet në njoftimin e Policisë.