Të paktën dy persona kanë mbetur të lënduar si pasojë e një aksidenti të ndodhur të dielës në mesdite në Grashticë të Prishtinës.
Zëdhënësi i Policisë, Agron Borovci, ka thënë për KOHËN se rasti ka ndodhur rreth orës 11:30 dhe se të lënduarit kanë pranuar trajtim mjekësor.
Në këtë aksident janë përfshirë dy automjete.
“Nga informatat e para bëhet e ditur se në aksident janë përfshirë dy vetura, ndërkaq dy persona kanë kërkuar ndihmën mjekësore. Policia ka dalë në vendin e ngjarjes, ka ndërmerr masat e nevojshme për lehtësimin e qarkullimit rrugor si dhe ka nisur punën për hetimin e shkaqeve që kanë sjellë deri te aksidenti”, ka thënë ai.
