-
Nga:
Donika Voca Gashi
- 14 shtator 2020 12:23
- Shpërndaje në:
Për herë të dytë Gjykata Themelore në Gjakovë ka marrë aktgjykim dënues për të akuzuarin Pjetër Ndrecaj.
Trupi gjykues me kryetar Gëzim Pozhegun e ka dënuar atë me 24 vjet e 6 muaj burgim.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPjetër Ndrecaj në nëntor të 2018 ishte dënuar me 24 vjet burgim për vrasjen e bashkëshortes, Valbonës, dhe vajzës së tij.
Por në mars të 2019 Gjykata e Apelit e kishte ndryshuar aktgjykimin e shkallës së parë duke e dënuar atë me burgim të përjetshëm për vrasjen e bashkëshortes dhe vajzës së tij, në fshatin Brekoc të Gjakovës, raporton KOHA.
Apeli kishte vlerësuar se gjykata e shkalles së parë, nuk i ka vlerësuar në mënyrë të drejtë rrethanat rënduese. Por aktgjykimet e Gjykatës Themelore në Gjakovë dhe asaj të Apelit u hodhën poshtë nga Gjykata Supreme, e cila kishte kërkuar që procesi të kthehej nga fillimi.
Supremja kishte konstatuar se në aktgjykimin e shkallës së parë ishin bërë shkelje esenciale të procedurës penale, ku më pas Gjykata e shkallës së dytë kishte kaluar mbi këto shkelje. Në gusht të vitit 2018 34 vjeçarja Valbona Marku bashkë me vajzën e saj 9 vjeçare u qëlluan me kallashnikov nga bashkëshorti i saj Pjetër Ndrecaj.
Avokati i familjes së të ndjerës Valbona Markut Isa Osdautaj ka paralajmëruar ankesë ndaj këtij vendimi duke e cilësuar këtë vendim si te ulët në krahasim me veprat e kryera nga Ndrecaj.