Një burrë nga Prizreni ka therur me thikë bashkëshorten dhe vajzën e saj të mitur mbrëmë pas mesnatës.
Sipas njoftimit të Prokurorisë në Prizren të dy viktimat janë në gjendje të rëndë.
Prokuroria ka njoftuar se në vendngjarje e kanë arrestuar të dyshuarin.
Për rastin Policia është njoftuar të premten rreth orës 00:20 minuta.
“Patrulla policore iu është përgjigjur menjëherë thirrjes dhe me të arritur në vendin e ngjarjes, ka hasur një person të gjinisë femërore (bashkëshortja e të pandehurit) e cila ndodhej në rrugë me lëndime trupore dhe gjakderdhje të shkaktuara me mjet të mprehtë - thikë. Viktimës i është ofruar ndihma e parë nga zyrtarët policorë deri në ardhjen e ekipit të emergjencës mjekësore”, thuhet në njoftim.
Ndërkohë vajza e mitur thuhet se është gjetur në katin e fundit të ndërtesës.
“Po ashtu, në katin e fundit të ndërtesës është gjetur edhe viktima e dytë, vajza e mitur. Ajo po ashtu kishte lëndime trupore dhe gjakderdhje. Viktimës së mitur i është ofruar ndihma e parë dhe më pas, bashkë me nënën e saj, janë dërguar për trajtim në Spitalin Rajonal të Prizrenit. Sipas mjekëve, gjendja shëndetësore e të dy viktimave është e rëndë”, thuhet tutje në njoftim.
Në njoftim thuhet se në hyrje të banesës është identifikuar dhe arrestuar i pandehuri i cili është shoqëruar në stacionin policor për procedura të mëtejme.
“Prokurori kujdestar ka lëshuar aktvendim për ndalimin e të pandehurit në kohëzgjatje prej 48 orëve, për shkak të dyshimit të bazuar se i njëjti ka kryer veprat penale ‘Vrasja e rëndë në tentativë’ dhe ‘Mbajtja në pronësi, kontroll ose posedim të paautorizuar të armëve’, thuhet në njoftim.
Dëshmitari tregon për britmat e gruas së përgjakur: Burri po ma ther çikën me thikë
Afrim Hasani i ka ende të freskëta britmat e gruas 49-vjeçare dhe vajzës së saj 12-vjeçare, që dyshohet se u sulmuan me thikë nga partneri i gruas, mesnatën e 17 tetorit në Prizren. Hasani tregon se e ka parë gruan e cila kishte dalë jashtë e gjakosur për të kërkuar ndihmë.
“Kam qenë duke punuar këtu (poshtë) dhe i kam dëgjuar britmat. Kam dalë e kam shikuar përpjetë... I kam parë dritat të ndezura plot, por nuk dihej në cilën banesë konkretisht. E kemi thirrur policinë dhe ndihmën e shpejtë. Më pas e kam parë gruan duke dalë krejt e përgjakur. Erdhi duke bërtitur e tha ‘burri po ma ther çikën me thikë’. Nuk e përmendte hiq veten edhe pse ishte krejt e gjakosur. Ka dalë dhe është mbështetur te shtëpia. Kanë ardhur më pas policia. Dihej se ishte fëmija lart, dhe më pas e gjetëm çikën që kishte ikur nga banesa në një banesë tjetër”, ka rrëfyer Hasani për KTV-në.
Të dyja viktimat e sulmit janë në gjendje të rëndë dhe po vazhdojnë të trajtohen në mjekimin intensiv qendror të Spitalit të Prizrenit, ka bërë të ditur shefi i Emergjencës në këtë spital, Hekuran Veçgishti. Ai ka treguar se ato kanë pasur plagë në pjesë të ndryshme të trupit.
“Viktimat vazhdojnë trajtimin në Spitalin e Prizrenit, sipas mjekëve kujdestarë që janë në mjekim intensiv kanë thënë se gjendja është e rëndë, por stabile. Ato janë sjellë rreth orës 00:45 në Emergjencën e Spitalit të Përgjithshëm Prizren të lënduara si pasojë e therjes me thikë. Janë kryer ekzaminimet e nevojshme, ekzaminimet radiologjike. Të lënduarat kanë pasur plagë në pjesë të ndryshme të trupit. Pas konsultës me kirurgët kujdestarë, dy të lënduarat janë hospitalizuar për intervenim kirurgjik. Për momentin pacientet janë duke u trajtuar në mjekimin intensiv qendror të Spitalit”, ka bërë të ditur Veçgishti.
Në Spital të premten pasdite ndodheshin edhe familjarë të viktimave – nëna, vëllai dhe vajzat e tjera të 49-vjeçares. Ato nuk deshën të flisnin hapur para kamerës, por në bashkëbisedim me KOHËN thanë se e afërmja e tyre kishte pasur ankesa të herëpashershme për bashkëshortin nga martesa e dytë, tashmë i dyshuar për sulmin.
Ata treguan se 49-vjeçarja ishte martuar me 51-vjeçarin nga Malisheva një vit më parë. Çifti kishte jetuar në Malishevë, ndërsa në Prizren kishin ardhur tre muaj më parë. Në ndërtesën ku ndodhi ngjarja jetonin me qira qe 10 ditë.
Gruas i është ofruar ndihma e parë nga zyrtarët policorë deri në ardhjen e ekipit të emergjencës mjekësore. Ndërsa, në katin e fundit të ndërtesës është gjetur edhe viktima e dytë, vajza e mitur. Ajo po ashtu kishte lëndime trupore dhe gjakderdhje.
Sipas Prokurorisë Themelore të Prizrenit, gjatë intervenimit të Policisë së Kosovës në hyrje të banesës ku ka ndodhur rasti është identifikuar dhe arrestuar i pandehuri, i cili është shoqëruar në Stacionin Policor për procedura të mëtejme.
Prokurori kujdestar ka lëshuar aktvendim për ndalimin e të pandehurit në kohëzgjatje prej 48 orëve, për shkak të dyshimit të bazuar se i njëjti person ka kryer veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”.
Nënë e bijë që u therën në Prizren ende në Intensivë, kishin plagë në pjesë të ndryshme të trupit
Nëna dhe vajza e mitur që u therën me thikë në Prizren, janë në gjendje të rëndë shëndetësore dhe po marrin trajtim në mjekimin intensiv Qendror në Spitalin e Përgjithshëm të Prizrenit.
Shefi i Emergjencës në këtë spital, Hekuran Veçgishti, tregoi se dy viktimat kanë pasur plagë në pjesë të ndryshme të trupit.
“Mbrëmë rreth ora 00: 45 në Emergjencën e Spitalit të Përgjithshëm Prizren janë pranuar dy të lënduara si pasojë e therjes me thikë. Janë kryer ekzaminimet e nevojshme, ekzaminimet radiologjike. Të lënduarat kanë pasur plagë në pjesë të ndryshme të trupit. Pas konsultës me Kirurget kujdestar dy të lënduarat janë hospitalizuar për intervenim kirurgjik. Për momentin pacientet janë duke u trajtuar në mjekimin Intensiv Qendror te Spitalit”, tha Veçgishti.
Mbrëmjen e kaluar Policia e Kosovës ka pranuar informatën për një rast të dhunës në familje dhe me të shkuar në vendin e ngjarjes Policia e Kosovës ka hasur në një grua (bashkëshortja e të pandehurit) e cila ndodhej në rrugë me lëndime trupore dhe gjakderdhje të shkaktuara me thikë.
Viktimës i është ofruar ndihma e parë nga zyrtarët policorë deri në ardhjen e ekipit të emergjencës mjekësore.
Ndërsa, në katin e fundit të ndërtesës është gjetur edhe viktima e dytë, vajza e mitur. Ajo po ashtu kishte lëndime trupore dhe gjakderdhje. Viktimës së mitur i është ofruar ndihma e parë dhe më pas, bashkë me nënën e saj, janë dërguar për trajtim në Spitalin Rajonal të Prizrenit.
Sipas Prokurorisë Themelore të Prizrenit, gjatë intervenimit të Policisë së Kosovës në hyrje të banesës ku ka ndodhur rasti është identifikuar dhe arrestuar i pandehuri i cili është shoqëruar në stacionin policor për procedura të mëtejme.
Më pas, prokurori kujdestar ka lëshuar aktvendim për ndalimin e të pandehurit në kohëzgjatje prej 48 orëve, për shkak të dyshimit të bazuar se i njëjti ka kryer veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”. /KosovaPress/