Burri nga Drenasi raporton se xhami i pasmë i veturës iu thye nga të shtënat e armës së zjarrit

Një person ka raportuar të dielën se derisa ka qenë në oborr të tij ka dëgjuar një zhurmë dhe ka vërejtur se një predhë e armës së zjarrit e ka goditur dhe thyer xhamin e pasmë të veturës së tij.

Policia ka njoftuar të hënën se rasti është raportuar të ketë ndodhur në fshatin Korreticë të Epërme të Drenasit. 

Njësiti policor thuhet se ka dalë në vendin e ngjarjes, ku ka gjetur dhe sekuestruar një predhë të fishekut të armës së zjarrit.

Rasti është nën hetime.