Një person është arrestuar në fshatin Shipol të Mitrovicës nën dyshimin për armëmbajtje pa leje dhe posedim të substancave narkotike.
Sipas njoftimit të Policisë, arrestimi është bërë të martën rreth orës 16:06, pas një bastisjeje të realizuar në shtëpinë e të dyshuarit.
Gjatë kontrollit, thuhet se janë gjetur dhe sekuestruar një armë të gjatë, 25 fishekë, një gëzhojë si dhe rreth 9 gramë substancë të dyshuar narkotike të llojit marihuanë.
Po ashtu, i dyshuari ka deklaruar se në një shtëpi të pabanuar ndodhej edhe një granatë dore.
Pas këtij informacioni, policia ka siguruar vendin e ngjarjes, ndërsa njësiti për deminim i Policisë së Kosovës ka bërë tërheqjen e mjetit shpërthyes pa ndonjë incident.
Me vendim të prokurorit, i dyshuari është dërguar në mbajtje, ndërsa rasti mbetet nën hetim.
-
Theri me thikë një person, Policia gjen armë e granata në shtëpinë e serbit në veri të Mitrovicës
-
Mitrovicasi arrestohet për dhunë në familje, policia sekuestron arsenal armësh në shtëpinë e tij
-
Gjenden armë, municion e pajisje të tjera në Mitrovicën e Veriut, arrestohet një 56-vjeçare
-
Gjenden municion, armë e pajisje ushtarake në tri shtëpi të pabanuara në Zubin-Potok
-
Arrestohet një person në Prishtinë për posedim dhe kultivim të marihuanës