-
Nga:
Saranda Ramaj
- 28 prill 2020 09:15
- Shpërndaje në:
Për të tretën herë do të gjykohet i akuzuari për shtytjen në vrasjen e Triumf Rizës, Enver Sekiraqa. Për të dytën herë gjykata e shkallës se dytë e ka kthyer këtë rast në rigjykim.
Aktgjykimi i përmbledhur në 13 faqe vë në pah të metat e aktgjykimit të shkallës së parë me të cilin Sekiraqa ishte dënuar me burgim prej afro tri dekadash. Aktgjykimin e shkallës me të ulët Apeli e ka cilësuar të paqartë dhe kontradiktor.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Gjykata e Apelit gjen se dispozitivi i aktgjykimit të ankimuar është i paqartë, i pakuptueshëm dhe kontradiktor në brendinë e tij, pasi që nga përshkrimi i veprimeve inkriminuese për të akuzuarin nuk kuptohet me saktësi dhe qartësi të plotë se cilat veprime konkrete i ka ndërmarrë i akuzuari në drejtim të veprës penale ‘shtytje në kryerjen e veprës penale vrasje e rëndë’”, thuhet në arsyetimin e Gjykatës së Apelit.
Apeli sjell në kujtesë se disa nga shkeljet e përsëritura në këtë aktgjykim ishin bërë edhe më herët dhe se kjo shkallë ua kishte dhënë si vërejtje edhe herën e parë kur lënda ishte kthyer në rigjykim.
Apeli ka gjetur edhe mungesë të përshkrimeve faktike në aktgjykimin e shkallës së parë.