Një 7-vjeçare është goditur nga një shofer me veturë në fshatin Surkish të Podujevës të premten.
Vajza ka pësuar lëndime andaj është dërguar në QKUK për trajtim.
Shoferi është ndaluar përkohësisht në stacionin policor.
“Ka ndodhë një aksident trafiku, ku i dyshuari mashkull kosovar, me veturën e tij ka goditur një këmbësore femër shtatë vjeçe. Si pasojë e aksidentit viktima ka pësuar lëndime trupore dhe gjendet në QKUK për tretman mjekësor. I dyshuari është ndaluar përkohësisht në stacion policor”, thuhet në raportin e PK-së.