Zvicra e ka vazhduar rrugëtimin drejt Botërorit 2026.
Pas fitores 4:0 ndaj Kosovës, të hënën Zvicra fitoi 3:0 ndaj Sllovenisë. Sërish ndeshja u luajt në Basel dhe sërish Zvicrës i mjaftoi vetëm pjesa e parë, njëjtë si ndaj Kosovës.
Nico Elvedi në minutën e 18-të, Breel Embolo në minutën e 33-të dhe Dan Ndoye në minutën e 38-të i shënuan golat.
Te Zvicra ndeshjen e kompletoi kapiteni Granit Xhaka.
Zvicra tani i ka gjashtë pikë në kualifikimet për Botërorin e vitit të ardhshëm. Udhëheq në Grupin B. Kosova i ka tri pikë, ndërsa Suedia e Sllovenia nga një.
Më 10 tetor Zvicra luan në udhëtim ndaj Suedisë.