Crystal Palace ka përfituar të dielën nga rregulli i ndryshuar sa i përket penalltisë që goditet aksidentalisht dy herë.
Jean-Philippe Matetta goditi penalltinë me të dyja këmbët aksidentalisht të dielën ndaj Manchester Unitedit në Premier League. Ai shënoi gol, por pas rishikimit me VAR, gjyqtari vendosi ta përsëriste.
Por pse u mor ky vendim?
Bordi Ndërkombëtar i Shoqatës së Futbollit (IFAB) që përcakton rregullat, gjatë verës ndryshoi çështjen e penalltisë pas penalizimit të Julian Alvarezit të Altetico Madridit në Ligën e Kampionëve ndaj Realit. Pas rishikimit nga VAR-i atë kohë, Atleticos iu anulua goli i penalltisë pasi Alvarezi e preku me të dyja këmbët topin.
Pas këtij rasti, IFAB-i pati vendosur që rregulli është shpikur që ta ndalojë prekjen e qëllimshme dhe tani në vend të anulimit ka vendosur për përsëritje.
Rregulli siç duket nuk ishte i njohur për të gjithë futbollistët. Matthijs de Ligt dhe Mason Mount të Unitedit e pyetën gjyqtarin Rob Jones përse Matetas po i jepej shansi i dytë.
Mateta e realizoi edhe goditjen e dytë, por Unitedi me dy gola nga Zirkzee dhe Mount fitoi ndeshjen.