Manchester Unitedi ka shënuar fitore shumë të thellë në udhëtim të hënën mbrëma. Unitedi mposhti Wolverhamptonin me rezultat 4:1.
Kjo ndeshje i takoi javës së 15-të të Premier Leagues së Anglisë.
Bruno Fernandes i shënoi dy gola. Të parin në minutën e 25-të dhe të katërtin nga penalltia në minutën e 82-të. Golin e dytë e realizoi Bryan Mbeumo në minutën e 51-të, kurse Mason Mount në minutën e 62-të realizoi golin e tretë.
Për Wolvesin shënoi Bellegrade në minutën e dytë shtesë të pjesës së parë.
Unitedi është ngritur në vendin e gjashtë me 25 pikë, kurse Wolvesi është i fundit me dy pikë.