Afrim Tovërlani është emëruar trajner i skuadrës së Prishtinës.
Tovërlani te Prishtina e zëvendëson Arsim Thaqin.
Tovërlani para se të emërohej trajner te Prishtina, ka qenë selektor i Përfaqësueses U21 të Kosovës.
“FC Prishtina ka kënaqësinë ta prezantojë trajnerin e ri të skuadrës, Afrim Tovërlanin, i cili pas 11 vitesh rikthehet në krye të bardh e kaltërve. “Toki” kthehet në shtëpinë e tij, aty ku ka lënë gjurmë të thella si futbollist dhe trajner.
FC Prishtina i uron trajnerit Tovërlani mirëseardhje dhe shumë suksese në detyrën e tij të re, me besimin se përvoja dhe profesionalizmi i tij do t’i rikthejnë klubit lavdinë dhe trofetë që tifozët i presin me entuziazëm”, ka shkruar Prishtina të martën në rrjetet sociale.