Fisnik Asllani ka kontribuuar me një gol e një asistim në fitoren 3:0 të Elversbergut ndaj Braunschweigut të shtunën në kategorinë e dytë të futbollit gjerman.
Me fitoren e arritur në ndeshjen e parafundit të kampionatit, Elversbergu tani ka rritur gjasat për promovim në Bundesligë, që do të ishte historik.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoElversbergu më herët nuk e ka regjistruar asnjëherë një sukses të tillë, por mund të ëndërrojë me Asllanin që po e udhëheqë sulmin e kësaj skuadre.
Elversbergu në vendin e tretë ka 55 pikë, aq sa ka edhe Paderborni i katërti. Vendi i tretë në Bundesligë dërgon në plejof. Dy vendet e para avancojnë direkt në elitën gjermane.
Sulmuesi i Kosovës shënoi për 1:0 në minutën e 11-të, ndërsa vetëm shtatë minuta më vonë, shtatlarti i “Dardanëve” asistoi për Muhammed Damarin.
Damar e shënoi edhe një tjetër gol në minutën e 21-të.
Asllani luajti deri në minutën e 79-të, ndërsa pati edhe disa mundësi tjera për shënim.
Ai në edicionin aktual ka 18 gola të shënuar, ndërsa ka edhe tetë asistime.
Ndeshjen e fundit të këtij kampionati në Bundesliga 2, Elversbergu e luan në udhëtim te Schalke të dielën e ardhshme.