Sulmuesi norvegjez, Alexander Sorloth, ka shkëlqyer të shtunën mbrëma në fitoren e Atletico Madridit.
Atletico në kuadër të javës së 35-të të La Ligas e mposhti 4:0 Real Sociedadin.
Të katër golat i realizoi Sorloth.
29-vjeçari Sorloth golin e parë e realizoi në minutën e shtatë, tre minuta më pas e shënoi golin e dytë dhe “hat-trickun” e kompletoi në minutën e 11-të.
Ai është bërë futbollisti i parë në histori të La Ligas që realizon “hat-trick” brenda katër minutave.
Sorloth nuk u ndal me kaq pasi në minutën e 30-të e realizoi edhe golin e katërt.
Atletico ka 70 pikë dhe renditet në pozitën e tretë. Sociedadi e zë vendin e 12-të me 43 pikë.
Deri në fund të kampionatit kanë mbetur edhe tri xhiro.
