Xherdan Shaqiri ka humbur penallti në ndeshjen që Baseli e zhvilloi të dielën ndaj St. Gallenit.
Baseli barazoi pa gola me St. Gallenin, në kuadër të javës së 15-të të elitës zvicerane të futbollit.
Shaqiri që është edhe kapiten i Baselit nuk u tregua i saktë nga pika e bardhë në minutën e 52-të. Goditjen e tij e priti portieri i St. Gallenit, Lawrence Ati Zigi.
34-vjeçari Shaqiri humbi penallti edhe më 9 nëntor në disfatën që e pësoi Baseli nga Lugano me rezultatin, 1:0.
Sulmuesi Shaqiri u zëvendësua me Albian Ajetin në minutën e 66-të.
Ai këtë edicion ka dhjetë gola dhe dhjetë asistime në 24 paraqitje.
Te St. Galleni ndeshjen e kompletoi Behar Neziri, kurse Albert Vallçi, në lojë u inkuadrua në minutën e 59-të.
Baseli ka 24 pikë dhe e zë vendin e katërt. St. Galleni ka katër pikë më shumë në pozitën e dytë. Lider është Thuni me 31 pikë.