Serbia do të jetë pa portierin e parë në ndeshjen e shumëpritur me Shqipërinë, që zhvillohet të shtunën mbrëma në Tiranë.
Predrag Rajkoviq është portieri i parë i Serbisë, ndërsa ishte kapiten në ndeshjet e marsit me Austrinë, që i takuan plejofit të Ligës së Kombeve. Por 29-vjeçari është i lënduar dhe të martën do t’i nënshtrohet një operimi. Këtë e bëri të ditur klubi i Rajkoviqit, ai nga Arabia Saudite, Al-Ittihad.
Rajkoviqi do të operohet në Finlandë.
Selektori i Serbisë, Dragan Stojkoviq i ka ftuar edhe tre portierë të tjerë.
