Mesfushori i Kosovës, Lindon Emërllahu, pritet të largohet gjatë afatit kalimtar të janarit nga Cluji rumun. Por te klubi elitar i Rumanisë e shohin Enis Çokajn si zëvendësues të Emërllahut. Këshut ka raportuar të mërkurën mediumi rumun “GSP”.
Çokaj është 26-vjeçar dhe i përket Panathinaikosit. Por që nga viti 2024, ai ka qenë i huazuar te APO Levadiakos.
Këtë edicion ai ka luajtur 11 ndeshje në Superligën e Greqisë, ndërsa ka kontribuar me një asistim.
Huazimi i Çokajt përfundon në verën e vitit të ardhshëm.
Çokaj i cili ka zhvilluar gjashtë ndeshje për Shqipërinë, u ble nga Panathinaikosi në vitin 2022 nga Lokomotiva e Zagrevi për një milion euro. Ai u zhvillua si futbollist te Shkëndija e Tetovës. Ka luajtur edhe për Laçin dhe Osijekun.