Pasi u bë i ditur qëndrimi i Hansi Flickut, Barcelona ka njoftuar të enjten se Raphinha ka vazhduar me klubin deri në vitin 2028.
Braziliani ka pasur formë të shkëlqyer në edicionin aktual dhe është prej kandidatëve për ta fituar “Topin e Artë”.
Ai u transferua nga Leeds Unitedi në vitin 2022 për 58 milionë euro.
Në këtë edicion, Raphinha ka zhvilluar 56 ndeshje në të gjitha garat. Ka realizuar 34 gola e ka asistuar në 25 të tjerë.
Raphinha me Barcelonën në këtë sezon e ka fituar La Ligan, Kupën e Mbretit dhe Superkupën e Spanjës.
“Barcelona dhe Raphinha kanë arritur marrëveshje për rinovimin e kontratës, që do ta lidhë atë me skuadrën deri në vitin 2028”, ka shkruar skuadra e madhe spanjolle.
