Ylber Ramadani me Leccen e kanë fituar një pikë të rëndësishme të shtunën mbrëma në ballafaqimin ndaj Lazios.
Lecce e ndali në barazim pa gola në shtëpi skuadrën e Lazios në ndeshjen e vlefshme për javën e 22-të të Serie A.
Ramadani e kompletoi ndeshjen dhe ishte prej më të mirëve në fushë.
Ndërsa për shkak të lëndimit te Lecce mungoi Medon Berisha.
Ndërkohë te Lazio në bankën rezervë ishte Elseid Hysaj.
Lecce ka 18 pikë dhe e zë vendin e 17-të. Është duke luftuar për mbetje në elitë.
Lazio numëron 29 pikë në pozitën e nëntë.