Premier League ka dominuar në afatin kalimtar veror me shpenzime në këtë vit. Ka pasur shpenzime të skuadrave edhe në ligat e tjera, por jo të krahasueshme me ato të skuadrave të elitës angleze.
Florian Wirtz u transferua te Liverpooli, Ardon Jashari te Serie A e Luis Diaz te Bayern Munichu. Këto ishin disa prej transferimeve që bënë bujë.
Premier League ka shpenzuar 2.3 miliardë franga zvicerane.
Vetëm Liverpooli dhe Chelsea kanë shpenzuar afro 250 milionë franga. Megjithatë, rekordi i Premier Leagues për shpenzime është ai i edicionit 2022-23, kur u shpenzuan 3.1 miliardë franga nga skuadrat.
Wirtzi është transferimi më i shtrenjtë deri tani në Premier League. Ai iu bashkua Liverpoolit për 125 milionë franga nga skuadra e Bayer Leverkusenit. Në Serie A, më i shtrenjti që u transferua ishte mesfushori Ardon Jashari, që nga Club Brugge kaloi te Milani.
Në Bundesligë, Luis Diaz ishte më i shtrenjti me 65 milionë franga zvicerane. Ai u transferua nga Liverpooli te Bayern Munichu.
Ndërkohë mbrojtësi Dean Huijsen, që kushtoi më pak se 60 milionë franga zvicerane, vazhdon të mbetet më i shtrenjti i kësaj vere në La Liga.
Në Francë, Ilya Zabarnyi u transferua për 60 milionë franga. Ai iu bashkua PSG-së nga Bournemouthi.