Përditësim, 18:27 - Dukagjini i Klinës e ka shënuar fitoren e parë të sezonit.
Të dielën, skuadra klinase realizoi fitore 2:0 ndaj Gjilanit, në ndeshjen që u zhvillua në stadiumin “18 Qershori” në Klinë.
Mërgim Pefqeli në minutën e 34-t realizoi për 1:0 me kokë, ndërsa Iljasa Zulfiu, që u zyrtarizua nga klinasit të shtunën, realizoi për 2:0 në minutën e parë të kohës shtesë.
Dukagjini në ndeshjen e parë u mposht 3:2 nga Prishtina, ndërsa Gjilani barazoi me Ballkanin.
Gjilani mbetet me një pikë pas dy ndeshjeve.
Dukagjini dyfishon epërsinë
Përditësim, 18:22- Dukagjini e ka dyfishuar epërsinë ndaj Gjilanit.
Iljasa Zulfiu, që u prezantua të shtunën nga skuadra klinase, e realizoi golin për 2:0, në minutën e parë të shtesës.
Dukagjini në epërsi pas pjesës së parë
Përditësuar, 17:22 - Pjesa e parë në stadiumin “18 Qershori” në Klinë, është mbyllur me epërsi të Dukagjinit ndaj Gjilanit.
Dukagjini është duke fituar 1:0 me golin e shënuar nga mesfushori Mërgim Pefqeli.
Ndeshja i takon xhiros së dytë të Superligës së Kosovës.
Pefqeli kalon Dukagjinin në epërsi
Mërgim Pefqeli ka kaluar në epërsi skuadrën e Dukagjinit ndaj Gjilanit, në ndeshjen që po luhet në stadiumin “18 Qershori” në Klinë.
Pefqeli realizoi në minutën e 34-t për rezultatin 1:0.
Ai realizoi me kokë pas harkimit të Vitor Hugos.