Goli i shënuar nga mesfushori portugez, Vitinha, e ka vendosur ndeshjen ndërmjet Nantesit dhe Paris Saint-Germainit.
Parisi të dielën e ka nisur me fitore mbrojtjen e titullit duke e mposhtur Nantesin me rezultatin 1:0. Ishte kjo xhiroja e parë e edicionit 2025/26.
Vitinha golin e fitores për parisienët e realizoi në minutën e 67-të pas asistimit të Nuno Mendesit.
PSG-së iu anulua edhe një gol i Gonçalo Ramosit në minutën e 76-të për shkak të pozitës jashtë loje.
Parisi të mërkurën e fitoi Superkupën e UEFA-s duke e mposhtur në finale Tottenham Hotspurin pas ekzekutimit të penalltive.