Paris Saint-Germaini e ka fituar derbin e xhiros së 24-t të Ligue 1. Parisi të shtunën mbrëma e mposhti Lillen me rezultatin e thellë 4:1.
Skuadra e drejtuar nga trajneri, Luis Enrique, Parisi nuk di për humbje këtë edicion në kampionatin francez. Është lider me 62 pikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë katër golat vendësit i realizuan në pjesën e parë.
Bradley Barcola shënoi për 1:0 në minutën e gjashtë. Për 2:0 shënoi qendërmbrojtësi brazilian, Marquinhos, në minutën e 22-të.
Gjashtë minuta më pas, sulmuesi francez, Ousmane Dembele, e shënoi golin e tretë. Për 27-vjeçarin Dembele ky ishte goli i 26-të këtë edicion në të gjitha garat. Është duke kaluar formë shumë të mirë. Krahas 26 golave ka edhe gjashtë asistime.
Desire Doue ishte realizatori i golit të katërt në minutën e 37-të.
Golin e vetëm për mysafirët e shënoi Jonathan David në minutën e 80-të.
Te Lille mungoi sulmuesi i Kosovës, Edon Zhegrova, për shkak të një lëndimi.
Lille ka 41 pikë dhe renditet në pozitën e pestë.