Ditë më parë u raportua se futbollisti i talentuar shqiptar, Demir Xhemalija, nuk pritet të luajë më për skuadrën e Baselit.
Të hënën mediumi zviceran “4-4-2”, ka shkruar se Baselit do t’i largohet një tjetër talent shqiptar.
Bëhet fjalë për Dardan Destanin.
18-vjeçari Destani luan për grupmoshën U19 të Baselit. Ai është paraqitur edhe për grupmoshat U15, U16 dhe U17.
Sulmuesi i krahut të majtë ka lindur në Zvicër dhe ka prejardhje nga Kosova.
Ai së shpejti pritet që të nënshkruajë kontratë me Grasshopperin. Mësohet se gjatë dy javëve të fundit, Destani ka stërvitur me grupmoshën U21 të Grasshopperit.
Sulmuesi i talentuar ka tri paraqitje për Kosovën U19. Më herët u paraqit për Zvicrën U16.
