Legjenda gjermane e futbollit, Thomas Muller i ka edhe maksimalisht tri ndeshje me Bayernin. Fokusi i lojtarit sulmues aktualisht është te çerekfinalja e Kupës së Botës për Klube ndaj PSG-së.
Parisi dhe Bayerni takohen të shtunën nga ora 18:00 në Atlanta.
“Francezët padyshim janë forcë që duhet llogaritur. Nuk e fituan rastësisht 5:0 finalen e Ligës së Kampionëve ndaj Interit dhe ngritën trofeun”, ka shkruar Thomas Muller.
Por ai e sheh ndeshjen të barbartë.
“Të dy skuadrat janë në formë të mirë dhe njohin kualitetet e njëra-tjetrës brenda dhe jashtë fushës. E shoh ndeshjen si shumë të barabartë”, vlerëson Muller.
Ai ka luajtur në të gjitha katër ndeshjet në Kupën e Botës për Klube. Dy ndeshje i kompletoi e në dy të tjera ishte zëvendësues.
35-vjeçari pritet të jetë zëvendësues edhe ndaj PSG-së, por kjo nuk e brengosë. Ai po e shijon turneun në SHBA, që është i fundit me Bayernin.
Mulleri do të largohet nga Botërori pas përfundimit të Botërorit të Klubeve.
