James Milner do të ketë tjetër shans për t’u bërë lojtari me më së shumti paraqitje në periudhën që ka nisur të quhet Premier League.
39-vjeçari i mesfushës, që ka 15 paraqitje më pak se Gareth Barry që mban rekordin me 653 ndeshje në Premier League, ka nënshkruar kontratë njëvjeçare me Brightonin.
Ai pati lëndim serioz në gju në sezonin e kaluar dhe luajti në vetëm katër ndeshje.
Në ditën e fundit të edicionit që ka përfunduar, Miler e luajti ndeshjen e 638-të.
Milner do të jetë 40-vjeçar në janar të vitit të ardhshëm.
Ai debutoi për Leeds Unitedin në moshën 16-vjeçare në nëntor të vitit 2002.
Për të do të jetë edicioni i 24-t në Premier League.
Ai ka bërë karrierë edhe te Liverpooli, Manchester City, Aston Villa dhe Newcastle.
Milner i ka 61 paraqitje për Anglinë.
