Trajneri i Gjilanit, Gentjan Mezani, ka thënë pas ndeshjes me Dukagjinin që përfundoi baras, se sërish skuadra e tij ka pësuar humbje nga gabimet që lojtarët e tij kanë bërë, dhe jo nga merita e kundërshtarit.
“Pjesa e parë ishte e mirë për ne, por edhe e dyta nuk ka qenë shumë e keqe. Nuk kemi shfrytëzuar mundësitë tona. Ne joshemi me një gol dhe nuk mundemi ta thyejmë këtë që të shënojmë edhe më shumë e të mos e rrezikojmë ndeshjen. Ka disa ndeshje që ne humbim nga gabimet personale, jo se kundërshtari po e meriton. E kemi ditur se kundërshtari e bazon lojën në forcën e vet. Ne patëm mundësitë tona por u ndëshkuam nga gabimet personale. Ne kishim probleme në mbrojtje. Kanë munguar dy lojtarët në krah, Kqiku dhe Ismajli kanë luajtur vazhdimisht. Aty kishim problemet. Në krahë u rrezikuam gjithë ndeshjen. Por, këta lojtarë ishin dhe u munduan të nxjerrim më të mirën. I falënderoj të gjithë që kanë dhënë maksimumin dhe shpresoj të mos kemi kaq shumë mungesa”, deklaroi Mezani për “ArtMotion”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo