Manchester United ka bërë rikthim të jashtëzakonshëm në 7 minutat e fundit të lojës shtesë ndaj Lyonit për të arritur në gjysmëfinale të Ligës së Evropës. Goleada që u mbyll me rezultatin 5:4 e çon Unitedin në përballje me Athletic Bilbaon në mesin e katër më të mirave të kësaj gare.
“Djajtë e Kuq” nisën në mënyrë të përsosur ndeshjen në Old Trafford duke kaluar në epërsi në minutën e dhjetë falë Manuel Ugartes. Ndërkohë në fund të pjesës së parë Diogo Dalot dyfishoi epërsinë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoE Lyoni u kthye me dy gola në minutat 71 dhe 78 për të barazuar gjithçka. Corentin Tolisso dhe Nicolas Tagliafico shënuan për të çuar ndeshjen në vazhdime, pasi edhe takimi i parë u mbyll me të njëjtin rezultat.
Në vazhdime, Lyoni hyri me një futbollist më pak në fushë pas ndëshkimit me karton të kuq të Tolissos.
E në vazhdime, Rayan Cherki kaloi Lyonin në minutën e 105-të para se Alexandre Lacazette të dyfishonte epërsinë për francezët 4:2 në minutën e 110-të.
Kur pritej që gjithçka të mbyllej në favor të mysafirëve, Unitedi bëri atë që zor mund të imagjinohej. Bruno Fernandes ngushtoi rezultatin në 4:3 në minutën e 114-të, para se Kobbie Mainoo dhe Harry Maguire në minutat 120 dhe 121 të përmbysnin gjithçka.
Video:
120 minutes at Old Trafford is a very long timepic.twitter.com/Rb1MJCpCFs
— Manchester United Die Hard Fans (@DieHardUtdFans) April 17, 2025