Përfaqësuesja e Marokut është kualifikuar në çerekfinale të Kupës së Afrikës.
Maroku të dielën në kuadër të një të tetës së finales e eliminoi Tanzaninë duke e mposhtur me rezultatin 1:0.
Golin e fitores për Marokun e shënoi sulmuesi i Real Madridit, Brahim Diaz, në minutën e 64-t. Asistimin e bëri mbrojtësi i Paris Saint-Germainit, Achraf Hakimi.
Marokut iu anulua edhe një gol i mesfushorit të PSV-së, Ismael Saibarit, në minutën e 15-të për shkak të pozitës jashtë loje.
Në çerekfinale të Kupës së Afrikës janë kualifikuar edhe Senegali dhe Mali.
Maroku përfundoi në pozitën e parë në Grupin A me shtatë pikë.