Klubi i famshëm francez, Lyon, e ka fituar apelin dhe do të qëndrojë në Ligue 1 në edicionin e ardhshëm.
Shtatë herë kampioni i Francës u dërgua në kategorinë e dytë nga organi mbikëqyrës i futbollit të ligës franceze, i njohur si DNCG. Vendimi u mor dy javë më parë për shkak të parregullsive të vazhdueshme financiare dhe borxheve të vlerësuara në 175 milionë euro.
Lyoni menjëherë apeloi vendimin dhe paraqiti rastin para DNCG-së të mërkurën.
“Lyoni mirëpret vendimin e e DNCG-së për ta mbajtur klubin në Ligue 1”, shkruan në një deklaratë të klubit.
Të mërkurën e kaluar, afaristja amerikane, Michele Kang, mori postin e presidentes pasi John Textor dha dorëheqje pas rënies së klubit në kategorinë e dytë. Lyoni njoftoi se Textor ka dhënë dorëheqje edhe nga bordi i drejtorëve.
Vendimi i së mërkurës siguron që Lyoni do të luajë në Ligën e Evropës.
