Luis Enrique pret finale spektakolare dhe shumë të hapur ndaj Interit.
Trajneri i skuadrës së madhe, Paris Saint-Germain, do ta udhëheqë kampionen franceze në finalen e 31 majit në Munih.
PSG-ja në finale të “Championsit” luan për herën e dytë, ndërsa e ka humbur finalen e vitit 2020 nga Bayern Munichu në Londër, 1:0.
“Interi është skuadër që luan në nivele të larta tash e disa vjet. Ka trajner dhe një grup lojtarësh shumë të mirë, me stil krejtësisht ndryshe nga skuadrat tjera. Mendoj se do të jetë finale e hapur, e luftuar, dhe e bukur për t’u parë jo vetëm nga tifozët e të dyja skuadrave por për të gjithë futbolldashësit. Do të jetë finale spektakolare”, ka deklaruar tekniku spanjoll.
Luis Enrique e ka të fituar një Ligë të Kampionëve me Barcelonën, në edicionin 2014/15.
