Liverpooli është në prag të transferimit të një ylli tjetër të Bundesligës gjermane.
“Sky Sport” ka njoftuar të dielën se marrëveshja për transferimin e Hugo Ekitikes, sulmuesit të Eintracht Frankfurtit, tashmë është arritur.
23-vjeçari do të nënshkruajë kontratë deri në vitin 2031.
“Sky Sport” ka bërë të ditur po ashtu se oferta e dytë është bërë të shtunën mbrëma, dhe se “të kuqtë” do të shpenzojnë 95 milionë euro për sulmuesin e talentuar.
Sulmuesi francez është pjesë e Eintracht Frankfurtit prej dimrit të vitit 2024.
Ai ishte huazuar fillimisht nga Paris Saint-Germaini, ndërsa gjashtë muaj më pas ishte transferuar për 16.5 milionë euro.
Ekitike ka realizuar 26 gola në 64 paraqitje në të gjitha garat për skuadrën e Bundesligës gjermane. Po ashtu ka kontribuuar me 14 asistime.
