Chelsea ka shokuar fituesin e Ligës së Kampionëve, Paris Saint-Germainin, për të triumfuar në Kupën e Botës për Klube.
Të dielën mbrëma në East Rutherford në New Jersey të SHBA-së, skuadra londineze e fitoi finalen e Botërorit të klubeve me rezultatin bindës, 3:0.
Sfida u vendos në pjesën e parë, ndërsa yll i Chelseat ishte Cole Palmer. Reprezentuesi anglez shënoi për 1:0 në minutën e 22-të. 23-vjeçari shënoi gol tjetër në minutën e 30-të.
Ndërkohë në minutën e 43-të, Palmeri asistoi për Joao Pedron që shënoi mjeshtërisht për 3:0.
Shifrat më nuk ndryshuan. Parisienët bënë përpjekje për t’u kthyer në lojë në pjesën e dytë. Rreshtuan rastet, por nuk e konkretizuan asnjë dhe kështu rezultati edhe në fund ishte 3:0.
Chelsea e ka fituar për herë të dytë Botërorin e klubeve. Për herë të parë e fitoi në vitin 2021, në formatin e vjetër.
Formati i ri, me plot 32 skuadra, është prezantuar këtë vit. Dhe po vlerësohet shumë i suksesshëm.
Parisi në finale të Ligës së Kampionëve kishte fituar 5:0 ndaj Interit. Skuadra e Luis Enriques shfaqi formë të lartë edhe në Botërorin në SHBA, por jo edhe në finale.
Incident pas përfundimit të finales, Luis Enrique sulmon Joao Pedron
Lojtarët e Chelseat dhe PSG-së janë përfshirë në një përleshje pas përfundimit të finales së Botërorit të klubeve, që e fituan Blutë me rezultat 3:0.
Madje në përleshje u përfshi edhe trajneri i PSG-së, Luis Enrique, i cili shihet tek ia vendos dorën në qafë Joao Pedros, sulmuesit brazilian që shënoi njërin prej golave të Chelseat. Sulmuesi më pas rrëzohet në tokë.
Edhe portieri Gianuligi Donnarumma u përfshi në incident, por ai u qetësua nga bashkëkombësi i tij, trajneri i Chelseat, Enzo Maresca.
VIDEO:
LUIS ENRIQUE ATTACKS JOAO PEDRO 😱😱pic.twitter.com/CgdSWmB8XA
— Goals Side (@goalsside) July 13, 2025
Chelsea në epërsi bindëse pas pjesës së parë, Palmer i shkëlqyeshëm
Cole Palmer ka shkëlqyer, ndërsa Chelsea ka krijuar epërsi 3:0 ndaj PSG-së në finalen e Kupës së Botës për Klube.
Me rezultatin 3:0 përfundoi pjesa e parë.
Palmer i shënoi dy gola dhe asistoi për Joao Pedron që shënoi golin e tretë.
Chelsea po “shkatërron” Parisin, 3:0
Joao Pedro ka shënuar për epërsinë 3:0 të Chelseat ndaj PSG-së në finalen e Botërorit të Klubeve.
Braziliani shënoi me asistim të Palmerit në minutën e 43-të.
VIDEO:
João Pedro | 🏴 Chelsea 3-0 PSG 🇫🇷
João Pedro makes it three what a gamepic.twitter.com/cz0CD22qIB
S’ndalet Chelsea, sërish Palmer
Chelsea po udhëheq 2:0 ndaj PSG-së.
Edhe golin e dytë e shënoi Cole Palmer. Ai realizoi në minutën e 30-të.
VIDEO:
PALMER BRACE PSG ARE SHIT pic.twitter.com/ymKVh6nXaR
Chelsea në epërsi ndaj PSG-së
Chelsea ka shokuar PSG-në në finale të Kupës së Botës për Klube.
Cole Palmer shënoi për 1:0 në minutën e 22-të të finales në New Jersey.
VIDEO:
Palmer | 🏴 Chelsea 1-0 PSG 🇫🇷
Cole Palmer opens scoring in final pic.twitter.com/p9BfYFSnKt
Formacionet: Chelsea – PSG
Janë publikuar formacionet zyrtare të finales së Botërorit të klubeve mes Chelsea dhe PSG-së, që nis nga ora 21:00.
Chelsea / Sanchez: Cucurella, Colwill, Chalobah, Gusto: Enzo, Caicedo, Reece James: Neto, Joao Pedro, Palmet.
PSG / Donnarumma: N.Mendes, Marquinhos, Beraldo, Hakimi: Neves, Vitinha, Fabian Rui: Kvaratskhelia, Dembele, Doue
